Merkilegt !!!

Þegar ég las fréttina og renndi svo yfir þá sem bloggað höfðu um hana, kom það alls ekki á óvart að meirihlutinn væri menn (að eigin sögn karlmenni mikil).  Þó voru nokkrar stúlkur/dömur/konur sem höfðu nokkur orð að segja um þessa keppni en það sem kom mér langmest á óvart var að enginn alvöru feministi hafði bloggað um neikvæðu hlið keppninnar. Þeas. hversu mikil lítilsvirðing þetta væri fyrir keppendur.  Að vísu var ein sem vorkenndi keppendum og fjölskyldum þeirra, en engin svona alvöru kvenremba sem fordæmdi keppnina sem slíka.  Enda kannski vegna þess að um er að ræða frjálsa keppni, enginn er þvingaður til að taka þátt í henni, engin er fluttur inn frá Litháen eða Búlgaríu og neydd/ur til að fullnægja sjálfum sér oftar, hraðar og betur en allir hinir.

Varðandi það að halda svona keppni hér á landi... þá held ég að við Íslendingar séum frekast til of feimin til að vera með.  Veit fyrir mitt leyti að hægri hendin á mér er svo feimin að hún fengi sviðsskrekk ef aðrir en kærastan væru til staðar. 

Danmerkurmót í sjálfsfróun

Frábær fréttaflutningur...

en hver var refsingin ? Hvaða dóm fékk stúlkan ?

Skvetti áfengi framan í lögreglumann

Frábær fyrirsögn

Varað við óveðri á Reykjanesbraut.  Hvers konar fyrirsögn er þetta eiginlega ? Ætti ekki að fylgja henni eftir og tilkynna að einnig sé gert ráð fyrir stífri austanátt á Hverfisgötu 14 b ?

Varað við óveðri á Reykjanesbraut

Smáir lítrar

Maðurinn teigaði vodkaLÍTRA úr pelanum ?  Hvernig tókst framleiðendum þessa vodka að koma fyrir heilum lítra í pela ?  Vel af sér vikið ?

Tók vodkalítra í einum teyg

Reikur ? ? ?

Ég hef heyrt um reiki heilun en aldrei heyrt um reik ???  Hvad er að gerast á mbl.is ???  Ég bara spyr... eða ætti ég að segja, ég bara spir ?

Reyk lagði úr ferðatösku

Ormatal...

Ööööhh... síðast þegar ég vissi voru ormar tvíkynja... og þar af
leiðandi hefði ég talið að erfitt væri að finna kvenorm og karlorm. 
Kannski hef ég misst af einhverju í líffræðinni í gamla daga.  En ég
var líka svoddan pottormur í þá daga.

Breyttu kynhneigð orma með því að breyta geni í þeim

Fá hann til Íslands

Mér finnst að Ómar Ragnarsson ætti að setja sig í samband við þennan mann og kumpána hans og fá þá til að stela Kárahnjúkavirkjun eins og hún leggur sig.  Þá væru allir ánægðir

Maður handtekinn fyrir að stela brú

Heiðursmannasamkomulag

Já, það verður að segjast að svona eiga hryðjuverk að vera.  Fyrst felur maður sprengju við þjóðveg, svo hringir maður í yfirvöld og lætur þau vita svo þau geti látið loka veginum og svo sprengir maður sprengjuna.  Þannig fá Baskarnir útrás fyrir reiði sína og geta sprengt í friði og Spánverjar geta lokað veginum og jafnvel verið tilbúnir með vinnuvélar og efni til að laga veginn ef svo skyldi fara að hann skemmdist.  Og allir eru ánægðir.

Kannski væri rétt að opna hálfgerðan "theme-park" þar sem hinir og þessir hryðjuverkamenn geta, gegn greiðslu að sjálfsögðu, komið fyrir sprengjum við vegi eða við eftirlíkingar af frægum byggingum.  Þá geta þeir fengið útrás fyrir reiði sína án þess að særa nokkurn.

Sendið Bin Laden á námskeið hjá Böskunum hið snarasta 

Sprengja sprakk við þjóðveg í Rioja

Íslendingar eru heimskir !!!

Það hefur alltaf verið litið svo á, af stjórnvöldum, að Íslendingar séu heimskir og ekki færir um að hugsa sjálfstætt.  Þar af leiðandi verða stjórnvöld að hafa vitið fyrir okkur.  Og það hefur alltaf verið talið að ef áfengi væri ódýrara eða ef það væri selt i verslunum, þá myndi öll þjóðin fara á fyllerí og hver og einn þyrfti að fara á Vog eða Freeport og búa þar til æviloka.

En þegar litið er t.d. til Danmerkur, þá get ég ekki séð að unglingar eða fullorðnir séu verra drykkjufólk en við ?  Og þar er ódýrasta áfengið á Norðurlöndunum.  Þar er allt önnur menning.  Menn geta fengið sér einn bjór án þess að afsaka sig með að það sé laugardagskvöld og tilefnið sé að amma hefði orðið 84 eða að það séu nákvæmlega 7 dagar eða 168 tímar frá því maður drakk síðast....   

Auðvitað munu einhverjir njóta þess að áfengi er ódýrara og drekka meira.  Alveg eins og sumir myndu borða meira ef matur væri ódýrari.  Og eins og margir vita, þá drekka alkóhólistar hvort sem verðið sé hátt eða lágt.

Er ekki kominn tími til að við fáum leyfi til að hugsa sjálfstætt og geta sjálf greint á milli hvað sé hollt og hvað sé heimskulegt  ?

Pólitísk samstaða um lækkun áfengisverðs

Veðurspár

Það hefur aldrei verið auðvelt að vera veðurfræðingur á Íslandi.  Ég kíki reglulega á spána til að sjá hvernig best er að klæða sig og svoleiðis og vil í því tilviki óska Veðurstofunni hjartanlega til hamingju með nýja vefinn.  Allt annað að sjá útlitið á síðunni.  En ég vil líka benda fólki á að stóla ekki 100% á það sem það les þar.  Ég var rétt í þessu að skoða veðurspána fyrir morgundaginn (þriðjudaginn 12. júní 2007) og sé á forsíðunni að það eigi að vera heiðskýrt og flott veður.  En þegar ég fer inn á "veður"flipann, þá er allt annað veður.  Orðið skýjað og mun hráslagalegra en ég hafði vonað. Ég hef í því tilfelli geymt skjámyndir af þessum tveimur síðum veður.is og skal á það minnt að þær eru teknar á sama tíma.  Og þetta er ekki í fyrsta skipti sem þetta gerist.  

Veðurstofa Íslands... reynið nú að samræma spána ykkar ef þið viljið vera trúverðug.  Það er ekki gott mál að setja tvær spár í loftið og vona að önnur passi.

Skrár tengdar þessari bloggfærslu:

• vedur1.jpg
• vedur2.jpg