Nú er um að gera að....

Nú er um að gera að fá lán hjá Rússum, Norðmönnum, Alþjóðagjaldeyrissjóðinum og fleiri ef við finnum þá.  Kannski Dönum líka, svona eftirgreiðsla eftir móðuharðindin.  Ef það tekst, er Ísland aftur "ríkt" og getur byrjað að fjárfesta erlendis.

Annars fannst mér merkilegt að Alþjóðagjaldeyrissjóðurinn og Rússar eru að íhuga að lána íslandi heila 3.1 milljarð punda.  Vá... há upphæð... eða hvað ? ? ?   Á meðan Íslendingar betla heiminn um þetta, finnur Jón Ásgeir Baugsson breskan kaupsýslumann sem er til í að leggja 2 milljarða bara í Baug.  Hvernig væri að fá þennan kaupsýslumann til að lána Íslandi þessa upphæð ? 

Norðmenn óttast ítök Rússa hér

Þjóðvegaglæpamenn...

Auðvitað á maður að keyra á réttum hraða og ekki brjóta umferðarreglurnar.  En þeir eru alslæmir í lögreglunni í Blönduós umdæminu.  Þar er engin miskunn.  Sérstaklega þegar litlu drengirnir koma í sumarvinnuna.  Ég var
tekinn þar sl. sumar á 107 km. hraða (17 yfir leyfilegum hraða) á
sléttum og fínum vegi með lítillii sem engri umferð, ca. 10 km. áður en
maður kemur að Blönduós.  Veðrið var þurrt og fínt og ég fékk sekt
22.500 kr.  Tengdapabbi var tekinn fyrir að aka yfir á rauðu í
Reykjavík og fékk 15.000 kr. sekt.  Segið mér... hvort er hættulegra ? 
Hvort er mín sekt of há eða hans of lág ?  Ég veit ég braut
umferðarreglurnar og borgaði sektina... en er ekki eitthvert misræmi í
þessu ?

10 stöðvaðir fyrir hraðakstur í kringum Blönduós

Lygar hjálpa ekki...

Nú veit ég ekki hvernig þeir athuga verð erlendis, en þar sem ég bý í Danmörku, veit ég að hér kostar enginn mjólkurlítri 150 ísk.  Hér (ólíkt á klakanum) eru fleiri en einn framleiðandi á mjólk.  Dýrasta mjólkin er frá Arla og kostar um 7 - 7.50 danskar sem eru í dag um 120 - 125 íslenskar.  Við kaupum mjólk á tæpar 6 krónur danskar sem eru í dag 99 íslenskar.

Og annað sem gleymist, en það er að hér kostaði mjólkin líka 6 kr. í janúar en þá voru það 66 kr. íslenskar.  Og svo reyna þeir að telja fólki trú um að vörur annarsstaðar í heiminum séu dýrari en á Íslandi.  Það er íslenska krónan sem féll.  Það er íslenska krónan sem er orðin verðminni.  

Það er ekki bara undarlegt að halda því fram að fall krónunnar hafi gert það ódýrara að lifa á Íslandi, heldur er það hrein lygi.  Það er eins og að segja að bílar séu ódýrari á Íslandi í dag en í öðrum löndum.  Bíll sem kostaði 50.000 evrur í janúar, kostaði 4.000.000 íslenskar.  Og að halda því fram að nú sé þessi bíll dýrari í Evrópu en á Íslandi.  Þessi sami bíll kostar ennþá 50.000 evrur hér en kostar í dag 6.200.000 íslenskar.  Þetta er meira en út í hött.  Þetta eru hreint og beint lygar.

Takið ykkur saman og hættið að reyna að blekkja fólkið í landinu.  Það er dýrt og verður aðeins dýrara að búa á Íslandi.

Svo má einnig reikna út eftir kaupmætti og þá held ég að íslenska mjólkin sé ein sú dýrasta í Evrópu.

Guð hvað ég er feginn að vera fluttur burt.

Er ódýrasta mjólkin á Íslandi?

Dráps-sniglar !!!

Þessir svokölluðu Spánarsniglar ganga hér í Dk undir heitinu Dræbersnegle eða morðsniglar/drápssniglar.  Þetta eru mestu skaðræðiskvikindi og því reynir maður að útrýma þessu eftir bestu getu.  Þegar rignir skríða þeir upp á veröndina hjá manni og upp húsveggina og rúðurnar.  Ekkert huggulegra þegar maður hefur gesti og er búinn að borða góðan kvöldverð, að horfa á slímuga snigla klessast yfir gluggana.

Besta ráðið sem ég get gefið ykkur er að strá salti á þá.  Þeir deyja af því.  En ég vara ykkur við, það er ekki falleg sjón.  Þeir gefa frá sér mikið af slími um leið og þeir deyja.  En þetta gerum við hérna.

Spánarsnigill fannst í Hnífsdal

Tjara ???

Það eru orðin nokkuð mörg ár frá því að tjara var notuð til vegaframkvæmda enda krabbameinsvaldandi.  Í dag er notað það sem kallast "bitumen" eða á íslensku BIK.  Ég bið blaðamenn bæði í blöðum og öðrum fjölmiðlum um að hafa þetta í huga enda er bjánalegt að lesa og heyra þetta aftur og aftur.  Orðið Malbik er samansetning út möl og bik.

Tjöru landað á Ísafirði

Ökumenn og klóakrör

Hvað er að gerast hjá mbl.is ?  Er það orðið svo illa statt að ekki sé hægt að ráða alvöru blaðamenn / eftirritara ?  Og eru þeir búnir að selja dönsk - íslensku orðabókina sína ?  Hjá alvöru blaðamanni hefði eðlileg hugsun átt að kveikja á viðvörunarbjöllum í höfðinu.  Maður grefur ekki niður holræsarör sem liggja á um 3ja metra dýpi.  Ég held að fæstir ökuþórar Íslands séu með gröfu í skottinu.

Þessi blaðamaður ætti ekki einu sinni að eiga við íslenskar fréttir í framtíðinni.  Í fyrsta lagi heitir "kloak" holræsi á íslensku og í öðru lagi heitir "kloak-dæksel" holræsalok eða brunnlok.  Að ökumenn hafi grafið niður holræsarör á ferðum sínum ... hehe... þeir reyndu að setja lokin aftur á.

Nú verður mbl.is að fara að taka sig á. Þetta er fáránleg "frétta"mennska

Flóð í Kaupmannahöfn

Svæfing getur leitt til dauða ísbjarnarins

"Það sé ekki einfalt að svæfa hvítabjörn eða halda honum sofandi og sú aðgerð í sjálfu sér getur hætt lífi bjarnarins, segir Þórunn"

Já, og hvað ???  Eftir því sem ég veit, hættu riffilkúlur lögreglumanna lífi fyrri bjarnarins töluvert.  Svo ég tel að þó svæfing gæti leitt til dauða bjarnarins, þá á hann meiri möguleika en ef hin aðferðin yrði nýtt.  Mundu það Þórunn, að riffilkúlur ERU hættulegri en deyfilyf. 

Erfið aðgerð framundan að Hrauni

Fiskimenn

Heita þeir ekki sjómenn á íslensku ?  Alveg eins og verkamenn heita ekki skóflumenn eða kústmenn.

Fiskimaður frá Suður Kóreu flýr frá Norður Kóreu

Góður dómur

Úff það var gott að hann fékk aðeins 20 mánaða dóm.  Annars gæti fólk haldið að þessi aðili væri hættulegur öðru fólki.  En eins og kemur glögglega fram skar hann aðeins 3 og lét duga að sparka í andlitið á þeim fjórða.  Var töluvert hræddur um að dómskerfið myndi virka og þeir myndu dæma hann eins og mann sem hefðu gert eitthvað af sér.  Og að hann hafi selt fíkniefni og ekið undir áhrifum... tja, maðurinn þarf náttúrulega að komast leiðar sinnar, sérstaklega vegna vinnunnar, þ.e. fíkniefnasölu.  Skárra væri það nú ef þeir færu að taka af honum bílprófið.  Það er svo ferlega þreytandi að taka strætó þegar maður er vel skakkur.

Áfram dómarar

20 mánaða fangelsi fyrir hnífaárásir

Fréttamennska mbl.is

Er ekki nóg að segja þetta einu sinni ? Eða halda blaðamenn að fréttin virki betri og flottari ef hún er lengri og nota þá bara afrita/líma (copy/paste) á stærsta hluta fréttarinnar ?

Microsoft gefur Yahoo! þriggja vikna frest