Að telja Írana eða að telja Írani

Ég myndi halda að Íranir geti smíðað bombu... og að sá sem telur Írana geta smíðað bombu skyldi spyrjast fyrir hjá Varnarmálaráðuneyti Írlands.

Telja Írana geta smíðað sprengju

Til fyrirmyndar

Að geta fengið styrki til að rannsaka eigin naflaló í þrjú ár til að komast að því einu að hægt sé að losna við naflaló með því að raka á sér naflann.  Þeir sem hafa styrkt þessa rannsókn ættu dæmast til fangelsisvistar.  Að eyða dýrmætum peningum í svona vitleysu er ekki bara skammarlegt, heldur vítavert.  Fæðuskortur, erfðagallar, sjúkdómar og annað sem hægt væri að rannsaka, sitja á hakanum vegna þess að efnafræðingar eins og Georg Steinhauser, taka stóran hluta þeirra peninga sem eru settir í rannsóknir.  Skammist ykkar.

Leyndardómar naflalónnar leystir

Póstsendingar hafa aukist.

það er jú brjálað að gera hjá Íslandspósti í að bera út gluggabréf og uppsagnarbréf um þessar mundir og minnkar ekki á næstunni.

Íslandspóstur hagnaðist um 79 milljónir í fyrra

Forstjóri ??? Eða forseti ???

Fyrirsagnabull eða hvað  ? ? ? ?   Og hvað segir forstjóri Íslands segja við þessu ?

Forstjóri Ítalíu fagnar sigri

2ja ára brúður

Já, lesa má úr frétt mbl.is að Geri Halliwell sé nú þegar farin að undirbúa brúðkaup dóttir sinnar sem einungis er 2ja ára.

"Halliwell, sem á tveggja ára gamla dóttur, Bluebell, með fyrrum unnusta, er þegar byrjuð að undirbúa brúðkaup hennar og kaupsýslumannsins Fabrizio Politi."

Annars hefði staðið "er þegar byrjuð að undirbúa brúðkaup SITT og kaupsýslumannsins Fabrizio Politi"

Ég á dóttir sem verður 8 ára núna í apríl og ég er ekki byrjaður að finna handa henni mannsefni, enda á hún þrjá kærasta í skólanum, að eigin sögn.

Dreymir um hlýja hjónasæng

MBL.IS

Það MINNSTA sem þið getið gert er að rita nafn hans rétt.  Hann heitir Dofri og ekki Dorfi.  Hann er nefndur í greininni sitt á hvað, Dorfi og Dofri.  Taka sig á mbl.is

Dofri býður sig fram hjá Samfylkingunni

Einræðisstjórn...

Ég minnist þess núna að fyrir nokkuð mörgum árum síðan ræddum við vinirnir um að nú væri kominn tími til að skipta um stjórnarfar á Íslandi.  Og okkar hugmynd um betur rekið samfélag væri að ráða "Einræðisherra".  Það yrði kosið um "Einræðisherra Íslands" til 5 ára og sá einstaklingur sem fengi flest atkvæði, fengi fullt vald yfir landinu.  Hann fær stóran sekk af peningum og svo ræður hann einstaklinga í ráðuneytin.  Þannig væru það ekki "flokksfélagar" sem yrðu ráðherrar heldur fólk úr viðskiptalífinu sem hefði vit á þeim málum sem tiltekin ráðuneyti stæðu fyrir.  Svo slyppi maður við endalaust þref í Alþingi.

Spurningin er bara hvort ráðherratíð Davíð Oddsonar hafi verið einskonar prufukeyrsla á þessu eða ?

Ég er enn svolítið heitur fyrir þessari hugmynd, útfærslan er svo spurning hvernig best væri að framkvæma.

Uppfært í Ísland 2.0

Einu sinni var

Ég minnist þess að þegar ég var 14 ára smyglaði mér einu sinni inn í bíó sem var á Smiðjuveginum í Kópavogi og sá þar þrívíddarklámmynd.  Svo þessi mynd er ekki fyrsta þrívíddarklámmyndin.  Ég man nú ekki mikið eftir myndinni, en man greinilega að hún var í þrívídd

Kynlíf í þrívídd

Snorrabraut ?

Já, gaman væri að vita á hvaða braut ökumaðurinn ók ?

"Ökumaðurinn er nú í haldi lögreglu og verður yfirheyrður í dag, en hann ók á braut eftir slysið í nótt. "

	Ökumaðurinn fundinn
Ábyrgðarmaður færslu Tenging við þessa frétt hefur verið rofin vegna kvartana.

Þá hefur ritstjórinn tekið einhvern á teppið

Þá er búið að breyta fyrirsögninni og laga aðeins til í fréttinni.  Hvernig væri næst þegar skrifa á um Geysi, að spyrja viðkomandi "blaðamann" hvort hann hafi einhvern tímann séð Geysi